Bismillaah-Hir-Rahamaanir-Raheem

Allaah Kī Madad Ke Liye Shukrguzaarī

Zabur 138

Yā Allaah rabbul kareem, maiṅ pure dil se terā shukriyā adā kartā huṅ;

maiṅ in jhuṯe ḳḥudaaoṅ ke saamne terī azmat ke qaseede paḏhuṅgā.⁽¹⁾

Maiṅ tere paak muqaamoṅ kī taraf taazeem me jhuktā huṅ.

Tune apnā naam azeem karā hai,

aur apne kalaam ko har cheez se zyaadā izzat baḳḥshī hai.⁽²⁾

Jis waqt bhī maine tujhe pukaarā, tune jawaab diyā.

Tune mujhe himmat dī aur merī ruh ko mazbut kar diyā.⁽³⁾

E mere rab, zameen ke saare baadshaah terā shukriyā adā kareṅge,

jab unko patā chalegā ki tune jo kahā thā wo purā ho gayā hai.⁽⁴⁾

Haaṅ! Wo sab tere kamaal ko dekh kar naġmeṅ gaaeṅge.

Kyuṅki, e mere rab, tu azeem hai.⁽⁵⁾

E Allaah! Tu sabse zyaadā azeem hai.

Tu narm dil waale logoṅ kā ḳḥyaal rakhtā hai,

aur maġrur logoṅ se bahut dur rahtā hai.⁽⁶⁾

Jab maiṅ pareshaaniyoṅ se ghirā houṅgā,

to, e mere rab, tu merī madad karegā.

Jab mere dushman mujhse nafrat kareṅge,

to tu hī mujhe baḍh kar apnī taaqat se bachā legā.⁽⁷⁾

E mere rab! Tu har us nemat ko mere paas laaegā jo tune mere liye tay karī hai.

Aur, e mere parwardigaar, terī ye mohabbat hameshā qaayam rahegī.

Apnī banaaī huī maḳḥluq se apnī nazar-e-karam mat haṯā.⁽⁸⁾