Bismillaah-Hir-Rahamaanir-Raheem

Yaaqub^(a.s) Kī Aulaadeṅ Misr Me Bastī Haiṅ

Taurait : Hijrat 1:5-12, 22

Yaaqub^(a.s) kī sattar aulaadeṅ Misr me ā gayī theeṅ aur Yusuf^(a.s) pahale se hī wahaaṅ maujud the.⁽⁵⁾

Baad me Yusuf^(a.s), unke saare bhaaī aur us daur ke sab logoṅ kā iṅtiqaal ho gayā.⁽⁶⁾ Israaeeliyoṅ^[a] ke bahut bacche the aur unkī taadaad itnī zyaadā baḍh gaī ki purā Misr unse bhar gayā.⁽⁷⁾ Tab ek nayā Firaun Misr ke taḳḥt par baiṯhā jisko Yusuf^(a.s) ke baare me naheeṅ patā thā.⁽⁸⁾ Is Firaun ne apne logoṅ se kahā, “Israaeeliyoṅ ko dekho, ye bahut zyaadā haiṅ.⁽⁹⁾ Hameṅ in logoṅ ko mazbut hone se rokne ke liye kucẖ karnā chaahie. Agar kabhī jaṅg huī to ho saktā hai ki ye hamaare dushmanoṅ se mil kar hamse hī laḍeṅ aur mulk ko cẖoḍ deṅ.”⁽¹⁰⁾

Misriyoṅ ne faislā kiyā ki wo Israaeeliyoṅ ko ġulaam banā kar unse saḳḥt mehanat waalā kaam karawaayeṅge. In maalikoṅ ne unse zabardastī kar ke shahar Pithaam aur Raimsees banwaae, jahaaṅ par Firaun anaaj aur dusrī cheezeṅ jamā kartā thā.⁽¹¹⁾ Misriyoṅ ne Israaeeliyoṅ par jitnā zyaadā zulm kiyā lekin unkī taadaad utnī hī zyaadā baḍhne lagī aur wo har taraf failne lage.⁽¹²⁾

Firaun ne apne logoṅ ko hukm diyā ki agar koī Ibraanī^[b] aurat kisī laḍkī ko paidā kare to use wo ziṅdā rakhe aur agar bacchā ek laḍkā hai to usko Neel nadeeṅ me pheṅk diyā jaae.⁽²²⁾

[a] Yaaqub^(a.s) kā naam Israaeel^(a.s) ban gayā thā islie unke ḳḥaandaan waaloṅ ko Israaeelī kahte the.

[b] Ibraanī matlab Israaeelī.